Vill frekar selja þeim á krónu en mörgum öðrum á miljarða

Helsta vandamálið nú er að finna heiðarlega aðila sem geta rekið banka og tengdust með engum hætti misnotkun á gömlu bönkunum. Betra hefði verið að gefa Lífeyrissjóðunum bankana en að láta ákveðna aðila í viðskiptalífinu reka þá. Kannski Deutsche bank kaupi bankann

Tilboði lífeyrissjóða hafnað

Athugasemdir

[Jón Gunnar Bjarkan, 17.10.2008 kl. 14:10]

Hvaða erlendi aðili heldurðu að fáist til að kaupa Íslensku bankanna á meðan við höfum krónuna. Sérstaklega í ljósi þess að enginn banki lét plata sig hingað þegar best lét í efnahagslífinu og bankamenn gátu heimtað 18% vexti af kúnnum án þess að vera handjárnaðir fyrir vikið.

[Marinó G. Njálsson, 17.10.2008 kl. 15:01]

Ég sé ekki að það skipti ríkið nokkru máli, þó lífeyrissjóðirnir eignist helming bankans.  Sérstaklega þegar höfð eru í huga orð viðskiptaráðherra á mánudag í síðustu viku, en þá sagði hann að lífeyrir landsmanna yrði tryggður.  Hvað er betra en að láta lífeyrissjóðina bara hafa 51% hlut í Kaupþingi til að bæta landsmönnum skaðann sem þegar er orðinn. Ég treysti lífeyrissjóðunum betur fyrir stjórn bankans en stjórnvöldum.  Það voru þau sem sváfu á verðinum.