Athyglisverðar tölur

Gaman væri að sjá skiptingu á milli landshluta og bera saman við fyrri könnun. Kannski Vestfirðingar kjósi Frjálslynda þegar Guðjón Arnar er úti og Sálfstæðisflokkin þegar Einar Oddur er úti. Staða Samfylkingarinnar er slæm. Flokkurinn mældist mjög hátt í aðdraganda síðustu kosninga en fékk slaka útkomu. Vonandi að því verði öfugt farið nú!

Frjálslyndir ná ekki manni inn í Norðvesturkjördæmi samkvæmt könnun

Leyfið fólkinu að bjóða sig fram

Skil ekki þjóðfélag sem getur ekki litið framhjá hálftíma seinkun á afhendingu gagna. Svo ekki sé minnst á að þetta eru okkar minnstu bræður.

Framboðslistum Baráttusamtakanna hafnað

Samfylkingin kann ekki að reka kosningabaráttu

Auglýsingar Samfylkingarinnar snúast nú þriðju kosningarnar í röð um málefni sem fær harðasta kjarna Samfylkingarfólks til að kjósa Samfylkinguna. Það er einsog Samfylkingunni skorti kjark eða vit til að sækja inn á miðjuna. Ef maður spilar bara vörn þá vinnur maður ekki kosningar. Í raun kemur ekkert á óvart í þessari könnun. Samfylkingunni hefur mistekist að nýta meðbyr landsfundar. Vonandi að fólk læri af þessu.      

Fylgi Samfylkingar og VG jafnmikið

Allar hliðar upp á yfirborðið strax takk

Mikilvægt er að allir hlutaðeigandi skýri mál sitt strax. Málið er að mínu mati grafalvarlegt fyrir alla þá sem að því koma. Það hljóta að vera einhverjar ástæður fyrir þessu. Allt málið upp á yfirborðið strax takk. Svo skal fella dóma!

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Sömu tölur og áður VG á niðurleið

Þetta eru nánast sömu tölur og voru þann 17.4 nema VG tapar enn. Ekki er rétt að segja að Samfylking tapi 2 mönnum þar sem útdeiling jöfnunarsæta er ekki inni í niðurstöðunum. Ef atkvæði dreifast þannig gæti Samfylking ekki þurft að bæta við sig nema 2 % í kjördæminu til að halda 4 mönnum. Dugnaðarforkurinn Árni Johnsen virðist ekki skaða Íhaldið neitt enda eiga menn sem trúa á réttarkerfið að leyfa fólki að taka út sýna refsingu og gerast í framhaldinu fullgildir þjóðfélagsþegnar, vonandi að hann verði þeim brotamönnum sem erfitt eiga að fóta sig í lífinu að lokinni refsivist fyrirmynd.

Sjálfstæðisflokkur bætir við sig tveimur þingmönnum í Suðurkjördæmi

Stórsókn Samfylkingar

Samfylkingin bætir við sig 2 % frá könnun sem birt var 19.4. Kjörfylgið er innan seilingar í R. Suður. Nú er bara að vona að forystumenn Samfylkingar haldi sig á miðjunni. Úrslit kosninganna geta ráðist af því hvort Samfylkingin ætli að berjast við VG og ræða umhverfismál, femínisma og fátækt eða reyna að fella ríkisstjórnina og ræða efnahagsmál, samgöngur og utanríkismál. Nú er bara að sjá hvort menn ætli sér að gerast aftur víðsýnn jafnaðarmannaflokkur með yfir 30 % fylgi eða þröngsýnn vinstri flokkur ný Samfylkingarmanna.

Sjálfstæðisflokkur bætir við sig þingmanni í Reykjavík suður

Sóknin hafin áfram ISG ekkert STOPP

Um leið og Samfylkingin fór að ræða um eitthvað annað en umhverfismál þá rýkur fylgið upp. Hlaut að koma að þessu. ISG, Jón Sig, ofl. Held að álverskosningin í Straumsvík hafi valdið straumhvörfum í þessu. Margir sem kusu ætluðu einungis að mótmæla, en gerðu ekki ráð fyrir að tillagan yrði felld. Kannski hefði Alcan átt að birta þær kannanir sem gerðar voru. Fimm ára stoppið er komið í 0-3 ár og líklegt að ekkert verði af því. Frjálst hagkerfi kælir sig sjálft og er þegar byrjað. Eftir 2 ár er spáin 5 % atvinnuleysi og erfitt að standa í forystu í ríkistjórn og segja. Við lofuðum stoppi í fimm ár og ætlum að standa við það. Hvað sem á dynur þá er ISG skynsamur pólitíkus sem þekkir það ólikt flestum úr þingflokki flokksins hvernig það er að hafa vald, stjórna því og fara vel með. Það hefur margur hugsjónamaðurinn farið flatt á hugsjóninni þann dag þegar hann þarf að bera ábyrgð og stjórna fólki. Joscha Fisher fyrsti ráðherra græningja í Hessen  hefur lýst þessu vel þegar hann lýsti fyrsta árinu sem einu sínu versta í sínu lífi. Hlutirnir voru ekki jafn svarthvítir og þeir virtust vera. Úr honum varð síðan einhver mesti raunsæispólitíkus sem samt gat haldið tengslum við grasrótina. Um leið og þjóðin fær það á tilfinninguna að einhver hjá VG geti sinnt slíku hlutverki þá er líklegt að VG og Samfylking verði kosinn til valda. Að öðrum kosti þá er það annaðhvort samstarf einhverra við Sjálfstæðisflokkin. Ekki er nóg að auka fylgið ef það minnkar um leið og kannanir sýna meirihluta ákveðinna afla. kv SK

Samfylkingin eykur verulega fylgi sitt á kostnað VG

Við förum þá til Aþenu

Góða fréttir! Þá er bara að telja niður daganna þar til úrslitaleikurinn við AC Milan fer fram. Ekki að búast við að Manchester United komist áfram, hvað þá Chelsea.

Gamann að sjá endurtekningu frá Istanbul. Svo er líka hægt að skoða nýjar borgir og etja kappi við lið í sama gæðaflokki. Ac Milan hefur jú unnið meistaradeildina 6 sinnum, Liverpool 5 sinnum, Manchester United 2 sinnum (jafnt oft og Nottingham Forest og Chelsea aldrei

You will never walk alone

Benítez hafnaði boði frá Real Madrid

Þegar allir vilja stjórna

Það er svona þegar allir vilja vera í stjórnunarstöðu þá verður einhver að vinna hin verkin. Ætli okkur eigi ekki eftir að bregða þegar engin er eftir til að stjórna.

Vinnuframlag útlendinga verður meginforsenda hagvaxtar

Samfylkingin að gera sömu mistökin 3 kosningarnar í röð

Þetta er slæm staða fyrir Samfylkinguna. Hún þarf nú að eyða tugum milljóna og allri kosningabaráttunni í að ná fylginu aftur á sinn stað. 1999 háði hún kosningabáráttu við eigin flokksmenn og VG með vinstri áherslum og gaf öðrum eftir miðjuna. 2003 var öllu púðri eytt í að auglýsa jafn sjálfsagðan hlut og að ISG væri góð við konur, Jóhanna við öryrkja og aðrar áherslur sem ættu að tilheyra föstu fylgi jafnaðarmannaflokks, aðrir fengu svo að kljást um miðjufylgið. 2007 fer kosningabarátta Samfylkingarinnar fram á sterkum heimavelli VG og ekkert sem bendir til þess að það breytist ef frá er skilinn aðkoma Jóns Sig. Bæði þýsku og bresku jafnaðarmannaflokkarnir fóru í gegnum svipaðar raunir t.d. var Schroder tveimur árum áður enn hann varð kanslari felldur í fyrstu umferð í kosningu til framkvæmdastjórnar. Það er vonandi að Samfylkingin átti sig á því að það er hin frjálslynda miðja sem vinnur kosningar og kemur þeim til valda hafi þeir á annað borð áhuga á því.  

Fylgi Sjálfstæðisflokks eykst