Er eitthvað að marka skiptinguna í kjördæmunum? Ómar kosinn taktískt

Það eru ótrúlegar sveiflur þegar fylgi flokkanna er skoðað í einstökum kjördæmum. Fylgi Samfylkingarinnar í Suðurkjördæmi er td. 18-30 %, Sjálfstæðisflokksins í NV 28-40 og SV 37-49. Kannanirnar er flestar á sama tíma og aðferðarfræði gallup og félagsvísindastofnunar er sú sama þeas þriggja spurninga er spurt en Fréttablaðið spyr nú bara einnar spurningar en spurði þriggja síðustu vikuna 2003. Könnun þessi nær einungis til 1. maí og líklegt að Jónínuáhrifin séu ekki enn kominn að fullu inn. Allavega ef framheldur sem horfir þá ætti Samfylkingin að geta náð vopnum sínum og aukið fylgið verulega fram á kjördag. Spá mín frá 9.4 "Samfylking 27 %, VG 14 %, Ísland og Ómar 4 %, Frjálslyndir 4 %, Framsókn 14 %, Sjálfstæðisfl. 35 %, Gamlingjar 2 %.". Ef taka á tillit til að gamlingjar bjóða ekki fram þá er endurskoðuð spá eftirfarandi. Samfylking 28, Sjálfstæðisflokkur 35, Frjálslyndir 5, Ómar 4, VG 14 og Framsókn 14. Kannski menn þurfi að kjósa taktískt til að fella ríkisstjórnina þeas kjósendur í Reykjavík þurfa að koma Ómari inn til að atkvæðin falli ekki dauð

Samfylkingin aftur fram úr VG

Samfylkingin að byrja leikinn

Ánægjulegt að sjá ferskleikann yfir kosningabaráttu Samfylkingarinnar undanfarna daga. Ekkert tal um stóriðjustopp, femínisma, öryrkja og fátækt. Leikurinn er að færast á miðjuna. Lögð er áhersla á samgöngumál, fjárfestingar í velferð og hátækni, áfnám stimpilgjalda, hagsstjórn og  fólkið sjálft. Líklegt er að Jónínumálið hafi áhrif. Því má halda fram að óakveðna fylgið fari á Framsókn eða Samfylkingu. Í dag fer það eingöngu á Samfylkinguna eftir stóra klúðrið með ríkisborgararéttinn. ISG kom vel út í Kastljósinu og rósasendingin kom gömlum krata skemmtilega á óvart. Nú er bara að vona að kúrsinum verði haldið til loka.

Framsóknarflokkur tapar fylgi í Suðvesturkjördæmi

Skynsamlegasta vegagerðarverkefnið. Byrjum að bora 12 maí X-S

Með göngum í gegnum Vaðlaheiði og álveri á Húsavík myndast þéttbýliskjarni í kringum Akureyri sem er að mínu mati eina möguleiga leiðin til að forða Ísland frá því að verða borgríki. Íbúatala þess kjarna ætti að vera nægjanlegur til að hægt sé að byggja upp fjölbreytt atvinnulíf á svæðinu. Kannski voru mistökin að setja ekki álverið sem nú er verið að reisa á Reyðafirði á Húsavík. Samfylkingin mun byrja að bora 12 maí 

Mikill meirihluti telur Vaðlaheiðargöng mikilvæga framkvæmd

Að sjálfsögðu verða þau einkavædd í framtíðinni

Það er kannski pólitískt rangt að ræða um einkavæðingu orkufyrirtækja í dag. En reynsla okkar af einkavæðingu fyrirtækja er hreint út sagt frábær. Með aukinni tækni og fjölgun á kostum þá er líklegt að virk samkeppni verði á þessum markaði í framtíðinni. Hinsvegar þá má landið ekki fylgja með í kaupunum hafi einhverjum frjálshyggjumanninum dottið það í hug

Telur líklegt að fleiri orkufyrirtæki verði einkavædd

Frábært 6 titillinn í augnsýn

Það væri virkilega gaman að  Liverpool og United lleiki til úrslita. Liðin eiga sér marga stuðningsmenn og ekkert skemmtilegra en að kítast um þann leik í nokkrar vikur. Óskin um að fá AC Milan er meira byggð á þeirri vona að United tapi á morgun

Liverpool í úrslitaleik Meistaradeildar Evrópu

Áfram Liverpool Við förum til Aþenu

Jæja þá er hið innra taugastríð hafið. Nú er að telja niður mínóturnar þar til leikurinn hefst. Það er varla að maður þori að horfa á leikinn. Svartsýnin er nú að ná yfirtökunum en bjartsýnin kemur eftir smá tíma. Fyrir tveimur árum var heitið að fara með fjölskylduna til Istanbul ef Liverpool kæmist áfram og nú á að endurtaka leikinn með Aþenu. Best að fara að safna !

Mourinho leggur traust sitt á Drogba

Fer þá stórleikurinn aldrei fram

Maður er eiginlega búinn að bíða spenntur eftir að sjá Hillary etja kappi um forsetaframboðið. Þetta er svona einsog að bíða eftir stórleik í mörg ár. Það yrðu mikil vonbrigði ef hann færi svo aldrei fram. Átta mig ekki alveg á hvað það er sem Obama hefur. Hafa menn efasemdir um hvort Clinton vinni Rebúblikana þá er það alveg öruggt að Obama mun ekki vinna

 

Fylgi Obama mælist nú meira en Clintons

Athyglisverðar breytingar

Það verður gamann að sjá hvernig "nýju eigendurnir" munu hegða sér. Ætli Glitnir verði ekki líkari Kaupþingi. Hlutirnir gerast hraðar með meiri áhættu. Spái því að Glitnir verði stærsti banki landsins innan tveggja ára.

Stefna Glitnis óbreytt þrátt fyrir eigenda- og forstjóraskipti

Gott mál en skaffar engin atkvæði

Gott mál hjá mínum mönnum. Þetta ásamt auglýsingum um hverju ISG áorkaði í baráttu sinni við launamun kynjanna við stjórn Reykjavíkurborgar eru góð mál og mikið afrek. Þetta er svona samsvarandi og ef Sjálfstæðismenn settu af stað auglýsingaherferð um einkavæðingu á Landsvirkjun. Spiluðu á hægri kantinum og létu öðrum eftir miðjuna. Það er og hefur aldrei verið hægt að vinna kosningar með því að spila ekki með. Í raun þá skiptir ekki máli hvað Samfylkingin verður stór ef stjórnin heldur velli. Látið nú af því að keppa um meirihluta við VG í femínistafélaginu ofl. vinstri sinnuðum samtökum og spilið með um fylgið á miðjunni.

Samfylkingin vill tryggja börnum og öldruðum á biðlistum örugga þjónustu

Hvers vegna gengur okkur Samfylkingarmönnum ekki betur

Enn og aftur ætlar Samfylkingin að vinna kosningabaráttuna með því að auglýsa eingöngu fyrir þá sem hanga daglega á kosningaskrifstofu flokksins. Þar eru allir sáttir og skilja bara ekki hversvegna sumir hlutir sem aldrei hafa virkað virka ekki. Aðalmálið er að sigrast á minnimáttarkennd gagnvart VG. VG mun alltaf geta yfirboðið Samfylkinguna í femínisma, umhverfisvernd og velferðarmálum. Þetta er flokkur lengst til vinstri sem þrífst best á því að vera í stjórnarandstöðu. Þessvegna sprengdu þeir R listann, þeir gátu ekki stjórnað og staðið við ákvarðanir gagnvart eigin flokksmönnum. Hvervegna hélt Samfylkingin ekki áfram að ræða um efnhagsmál í kjölfar niðurstöðu vinnuhóps sem Jón Sig stýrði. Obbin af frambjóðendum flokksins hefur í gegnum árin lofað Blair og Scroder og lýst með aðdáun hvernig þeim tókst að ná völdum. Gæti lausnin falist í frjálslyndum karlmönnum í jakkafötum sem tala um efnahagsmál. Hvar eru þessir menn og í staðinn fyrir hverja þurfa þeir að koma. Í guðana bænum farið að vinna vinnuna ykkar! 

Sjálfstæðisflokkur með 40% fylgi samkvæmt könnun